Selasa, 22 Desember 2009

LAHEE NABI MUHAMMAD SAW

--> LAHEE NABI MUHAMMAD SAW
Syair oleh : Abu Aceh

Sallahu ‘ala muhammadin
Rasulil nabiyil mukarram
Nabi geutanyoe neukhendroe
Deungo lon kheun proe beu tapham

Adalah aku itu nur
Tahun 2000 goh adam
Malaikat dum saj ah kheun
Na mise tu feun su kiam

Ucap tasbeh tan khali
Hadapan rabbi zulkiram
Padum na Lawet lheuh nyan trep
Teuma jeut sabet na adam

Lheuh nyan teuma nur tuhan boh
Lam tanoh tuboh di adam
Malaikat le meu himpon
Lheuh nyan sujud keu adam

Hingga turon keu bumi
Nur lam salbi di adam
Teuma nur nyan tuhan boh
Lam salobi Nuh nyang karam

Teuma roh masa meuminah
Troh bak aminah le keunan
Tuan Abdullah Nur meu limpah
Rupa neu ceudah tan macam

Saleh ngon faseh ngon malem
Bangsa pih leubeh lam alam
Hewan dumna na jihei sah
He Abdullah beu ta pham

Han sagai patot neu kubah
Wadiullah mak nikah
Malengkan nyang me taminah
Ubak aminah nyang hilam

Teuma aminah meu situboh
Rupa seuneuloh sang Nur syam
Meuhayak-hayak meu bhak-bhak
Puteh sang pirak teuhu pham

Aminah mumee keu nabi
Tan nyum sikali brat badan
Tuboh tan leumoh ngon krot kreut
Aratan tiet tut sang karam

Lam nikmat suntok tan padoe
Lam jeup jeup uro ngon malam
Sallallahu ‘ala rasulin
Muhammadin saiyyidil ‘alam

Aminah mumee keu nabi
Rupa beure hi tan macam
Hana ngon bandeng bak rupa
Hana ngon peusa lam alam

Aminah buleun phon mumee
Leumah lam lumpo troh adam
Neu kheun lee gata ta meume
Panghule nabi dum alam

Buleun ke dua meu lumpo
Idris alaihissalam
Neu kheun ta mumee Aminah
Nabi nyang meugah hana ban

Buleun nyang keu lhee teuma troh
Nabiyullah Nuh nyang hilam
Neu kheun lee gata meungandong
Nabi ban tanglong zulkiram

Buleun nyang keu peut troh lazem
Nabi Ibrahim nyang hilam
Neubri lee thee leubeeh muhammad
Raya that pangkat dan makam

Buleun keu limong neu lumpo
Ismail alaihissalam
Aneuk di gata tuah that
Rancak dan hebat tan macam

Buleun nyang kenam troh musa
Nyang suntok masa meukalam
Neubri thee leubeh muhammad
Tinggi derajat lam’ alam

Buleun ke tujoh neulumpoe
Troh daud’ alaihissalam
Neukhen le gata ma nabi
Makam dipuji lam alam

Bak buleun lapan neulumpo
Sulaiman’ alaihissalam
Buleun sikureung troh isa
Nyang suci safa nyang hilam

Nuekheun di gata meuteunte
Ureung boh lagee islam
Ureung nyang bandum kheun meunan
Di dalam lupoe tiep malam

Wahe aminah nyan aneuk gata
Muhammad nama beu tapham
Hakikat nabi dan di puji
Malaikat sare dum inseun

Sallallahu’alan nabi
Habibil jaliur rahman
Rabiul awal buleun sah
Malam dua blah beu tapham

Malam seunayan meuteuntee
Nyata panghulee lam alam
Bandrang seuneuloh u jeu-oh
Cahya dum katroh nanggroe syam

Meiligoe runtoh dum reule
Rumoh dum sare jeut karam
Syaitan dum jiklik teung bayeung
Patong ka kengkeung dum peujan

Apui peurisi meunyembah
Ngon bagah-bagah pih padam
Raja suatu la’ot cut
Meu ie bu moe’ut u dalam

Buidadari keunan troh
Syahya seuneuloh seupot klam
Dua troh geulangkah
Tuan aminah meuriam

Sallallahu ala muhammadi
Sallallahu alaihi wasallam
Nabi muhammad ka nyata
Meucelak bak mata dan khatan

Pusat ka teukoh rupa jroh
Tanna saboh na teuladan
Cahya muka hu tan bagoe
Leubeh bak ureu dan bulan

Meu’ok neu hitam tan bandeng
Ngon bulee keuneng sipadan
Badan pueut sagoe jroh jeunjang
Baho neuh keumang tan lawan

Bebah han luah pipi jroh
Le gigoe tijoh sang intan
Hidong han manyang pertengahan
Paleut meukulan jroh han ban

Janggot hitam nibak keueng
Trok bak pinyueng ok saban
Ulee rayek seudang jroh
Ok seumeuloh junjungan

Bee meuharom di nabi
Bee kasturi ngon rihan
Soe mat jaroe meubudoe
Tujoh uroe gadoh han

Insan nyang bak dum jithee
Bit mangant bee junjungan
Beudak neu boh di ulee
Tujoh uroe bee gadoh tan

Awai akhe ureung dum
Jikheun jroh han tom jieu ban
Sallallahu’ala habibi
Lizatil jalil jiram

Nibak buleun nyoe barang pat
Wajeb peu ingat umat islam
Lahe nabi wajib peuingat
Le tanyoe ummat barang jan

Bak buluen mulod patut that
Keu muhammad hai taulan
Takanduri ube sikada
Bena kuasa nibak tuhan

Yatim piatu tahei cit
Rayek ngon ubit hai rakan
Bak buleun mulod patot bit
Ubak meusijid du keunan

Peugot khanduri meudakwah
Buka seujarah islam
Mubekle tuwo rugoe that
Bek sayang meuthat islam

‘oh noe peuneusan lon saheh
Bak abu aceh darussalam
Hadiah geubri le abu aceh
Baca beusaheh e hai taulan

Tidak ada komentar:

Posting Komentar

Ulon tuan preh kritik ngoen nasihat jih. Maklum ulon tuan teungoh meuruno.

STNK Mati Tidak Diperpanjang 2 Tahun, BPKB Juga Hangus

Atjeh Pusaka - Jakarta -  Pemilik kendaraan yang lalai membiarkan Surat Tanda Nomor Kendaraan ( STNK ) mati, dan tidak diperpanjang se...